ពានរង្វាន់សម្តេចអគ្គមហាសេនាបតីតេជោហ៊ុនសែន ឆ្នាំ២០១៦ នឹងចាប់ផ្តើមក្នុងខែកុម្ភៈនេះហើយ!

គឹមហុក February 2, 2016


អស់រយៈពេលជិតមួយឆ្នាំហើយដែលការប្រកួតបាល់ទាត់ពាន​រង្វាន់សម្តេច​អគ្គ​មហា​សេនាប​តី​តេ​ជោ​ហ៊ុនសែន ដែលជាពានរង្វាន់បាល់ទាត់លំដាប់កំពូលទី២ របស់ប្រទេសកម្ពុជាបានបញ្ចប់នោះ។ ឥលូវនេះការទន្ទឹងរង់ចាំរបស់​លោកអ្នកបានមកដល់ហើយដោយហេតុថាការប្រកួតបាល់ទាត់ពាន​រង្វាន់សម្តេច​អគ្គ​មហា​សេនាប​តី​តេ​ជោ​ហ៊ុន សែន​ឆ្នាំ២០១៦ ឬត្រូវបានហៅកាត់ថា Hun Sen Cup 2016  នឹងចាប់ផ្តើមនៅដើមខែកុម្ភៈនេះហើយជាមួយគ្នានេះដែរពាន​រង្វាន់​បាល់ទាត់​លំដាប់​ទី២​របស់​ប្រទេស​កម្ពុជានេះនឹង​ចាប់​ផ្ដើម​វគ្គ​ប្រកួត​បឋមចាប់​ពី​ថ្ងៃ​ទី១៧ ដល់ថ្ងៃទី៤ ខែឧសភា ខណៈដែលការ​ប្រកួត​វគ្គ​ជុំ​ផ្ដាច់ព្រ័ត្រនឹងចាប់​ផ្តើមពី​ថ្ងៃ​ទី១៨ ខែឧសភា ដល់ថ្ងៃទី២០ ខែសីហា ខាងមុខនេះ។ យោងតាមការប្រកាសព័ត៌មានរបស់សហព័ន្ធកីឡាបាល់ទាត់កម្ពុជាបានបញ្ជាក់ឲ្យដឹងថាសម្រាប់ឆ្នាំនេះការប្រកួតនឹងត្រូវបានធ្វើឡើងជាលក្ខណៈ Home / Away ដូចការប្រកួតលីកកំពូលកម្ពុជាមិត្តហ្វូនខេមបូឌានលីកដែរប៉ុន្ដែនៅក្នុងក្របខណ្ឌនេះមិនមានកីឡាករបរទេសចូលរួមប្រកួតនោះទេ។

Hun-Sen-Cup1

សូមបញ្ជាក់ថា តាំងពីត្រូវបានបង្កើតឡើងជាផ្លូវការនាឆ្នាំ២០០៧មក ការប្រកួតបាល់ទាត់ពានរង្វាន់សម្តេចអគ្គមហាសេនាបតីតេជោ ហ៊ុន សែន បានក្លាយទៅជាព្រឹត្តិការណ៍ប្រកួតបាល់ទាត់ដ៏ធំ និងដ៏សំខាន់មួយនៅក្នុងព្រះរាជាណាចក្រកម្ពុជា។ បណ្តាក្រុមបាល់ទាត់ក៏ដូចជាក្លឹបនានាបានតស៊ូយ៉ាងស្វិតស្វាញនៅលើវាលស្មៅនៃទីលានប្រកួតដើម្បីដណ្តើមយកតំណែងជាជើងឯកសម្រាប់ពានរង្វាន់ដ៏មានតម្លៃនេះ។

Hun-Sen-Cup3

ខាងក្រោមនេះគឺជាបណ្តាក្រុមដែលធ្លាប់គ្រងតំណែងជាជើងឯកនៃពានរង្វាន់សម្តេចអគ្គមហាសេនាបតីតេជោ ហ៊ុន សែន៖

២០០៧ ខេមរាកីឡា
២០០៨ ភ្នំពេញក្រោន
២០០៩ ភ្នំពេញក្រោន
២០១០ ក្រសួងកាពារជាតិ
២០១១ ព្រះខ័នរាជ (ស្វាយរៀង)
២០១២ ព្រះខ័នរាជ(ស្វាយរៀង)
២០១៣ ណាហ្គាខប
២០១៤ អគ្គស្នងការនគរបាលជាតិ(ប៉ូលីស)
២០១៥ ស្វាយរៀង

 

អត្ថបទ៖ មករា

មតិយោបល់

ការប្រកួតកីឡាបាល់ទះ Leo Cup National Volleyball 2015 ផ្តើមរដូវកាលថ្មីជាមួយនឹងការគាំទ្រទ្វេដង!

ពីមួយឆ្នាំទៅមួយឆ្នាំវិស័យកីឡា បានទទួលបានការគាំទ្រពីសំណាក់ប្រិយមិត្ត នៅទូទាំងព្រះរាជាណាចក្រកម្ពុជាគួរឱ្យកត់សម្គាល់ ជាមួយគ្នានេះដែរ … អានបន្ត

ផលិតកម្មថោនទទួលការព្រមាន ៦ចំណុចពីក្រសួងវប្បធម៌ក្រោយចេញបទ «ជីវិតអ្នកប្រដាល់»

ភ្នំពេញ៖ បទចម្រៀងដែលមានចំណងជើងថា «ជីវិតអ្នកប្រដាល់» ដែលច្រៀងដោយលោក … អានបន្ត