ក្លឹបភ្នំពេញក្រោននាំយកអតីតកីឡាករ S-League មកចូលរួម

លី រិទ្ធី January 19, 2016


ក្លឹបភ្នំពេញក្រោនបានប្រកាសជាផ្លូវកាលក្នុងការចុះកុងត្រាជាមួយកីឡាករខ្សែការពារ សញ្ជាតិ បារាំង Anthony Aymard។ កីឡាករវ័យ ២៧​ឆ្នាំ រូបនេះបានចំណាយរយៈពេល ៥ ឆ្នាំនៅក្នុងលីកកំពូលនៃប្រទេសសឹង្ហបុរី  Singapore League ជាមួយក្លឹប Etoile និងក្លឹប Tanjong Pagar United មុនចូលរួមជាមួយនឹងក្លឹបភ្នំពេញក្រោនក្នុងរយៈពេល ២ ឆ្នាំ។
កីឡាករ Anthony មានស្រុកកំណើតនៅឯ Le Puy-en-Velay ដែលស្ថិតនៅ Auvergne region ភាគខាងត្បូងនៃប្រទេសបារាំង ហើយលេងឲ្យក្លឹបក្នុងស្រុក Le Puy Foot 43 អស់រយៈពេល ១០ ឆ្នាំ ក៏ដូចជាលេងឲ្យក្លឹប AS Polignac រយៈពេល ៦ ខែ ដែលជាក្លឹបនៅលំដាប់ទី ៤ និងទី ៥ នៃប្រទេសបារាំង។
កាលពីដើមឆ្នាំ ២០១១ កីឡាកររូបនេះបានធ្វើដំណើរមកដល់ប្រទេសនៅអាស៊ីហើយចូលរួមជាមួយក្លឹប Etoile ដែលជាក្លឹបមួយភាគច្រើនកីឡាករជាជនជាតិបារាំង ដែលជាជើងឯកលីក Singapore League champions។ ក្រោយលេងបាន ១ រដូវកាល ក្លឹបនេះក៏បានចាកចេញ ហើយកីឡាករ Anthony ក៏បានចូលរួមជាមួយក្លឹប Tanjong Pagarនៅ S-League រយៈពេល ៤ រដូវកាល។ ក្រុមរបស់កីឡាកររូបនេះឡើងដល់វគ្គផ្តាច់ព្រ័ត្រ ២ ដងតែសុទ្ធតែចាញ់ក្នុងវគ្គផ្តាច់ព្រ័ត្រ។ ដោយសារតែក្លឹប Tanjong ជួបប្រទះជាមួយនឹងបញ្ហាហិរញ្ញវត្ថុ ដូចនេះកីឡាកររូបនេះក៏បានផ្លាស់មកក្លឹបភ្នំពេញក្រោន នៅប្រទេសកម្ពុជា។ កីឡាករ Anthony នឹងពាក់អាវលេង ២ ព្រមទាំងជាដៃគូររបស់ប្រធានក្លឹបភ្នំពេញក្រោនកីឡាករ គុក បូរីស នៅតំបន់ការពារផងដែរ។
កីឡាកររូបនេះបានបញ្ចេញមតិក្រោយមកដល់ក្លឹបភ្នំពេញក្រោនថា៖ “ខ្ញុំលើតែពាក្យល្អជាច្រើនៗពីក្លឹបភ្នំពេញក្រោននៅពេលដែលខ្ញុំមកដល់អាស៊ី។ ខ្ញុំដឹងពីកីឡាករ ធារី និង បូរីស ហើយខ្ញុំក៏បាននិយាយជាមួយធារី ក៏ដូចជាលោកគ្រូ Sam ផងដែរកាលពីឆ្នាំមុន។ ខ្ញុំមកប្រទេសកម្ពុជាប៉ុន្មានសប្តាហ៍ក្នុងពេលសម្រាករបស់ខ្ញុំកាលពីខែ មេសា ហើយខ្ញុំពិតជាចូលរួមទីនេះជាខ្លាំង។ ខ្ញុំពិតជាពេលចិត្តនៅអាស៊ី ហើយរស់នៅតំបន់អាស៊ីគឺងាយស្រួល។ ខ្ញុំក៏ជឿជាក់ថាវិស័យបាល់ទាត់នៅប្រទេសកម្ពុជារីកចម្រើនកាន់តែខ្លាំង យើងមានកីឡដ្ឋានថ្មីនៅក្លឹបភ្នំពេញក្រោន មនុស្សជាច្រើនចាប់ផ្តើមមានចំណាប់អាមរ្មណ៍លើបាល់ទាត់ ទាំងក្លឹបនិងក្រុមជម្រើសជាតិ។  ខ្ញុំចង់ជួយឲ្យក្លឹបរក្សាដំណែងជើងឯក ក៏ដូចជាជួយឲ្យក្លឹបទទួលបានបទពិសោធន៍ឡើងថែមមួយកម្រិតទៀត។ ខ្ញុំពិតជារំភើបសម្រាប់ការចាប់ផ្តើមនៅរដូវកាលនេះ។ “
Anthony Aymard sign with PPCFC
PPCFC Contract with Anthony Aymard
Anthony Aymard
Anthony Aymard with PPCFC
Phnom Penh Crown Sign with Anthony Aymard
អត្ថបទ៖ រិទ្ធី
ប្រភព៖ ក្លឹបភ្នំពេញក្រោន

មតិយោបល់

ការប្រកួតកីឡាបាល់ទះ Leo Cup National Volleyball 2015 ផ្តើមរដូវកាលថ្មីជាមួយនឹងការគាំទ្រទ្វេដង!

ពីមួយឆ្នាំទៅមួយឆ្នាំវិស័យកីឡា បានទទួលបានការគាំទ្រពីសំណាក់ប្រិយមិត្ត នៅទូទាំងព្រះរាជាណាចក្រកម្ពុជាគួរឱ្យកត់សម្គាល់ ជាមួយគ្នានេះដែរ … អានបន្ត

ផលិតកម្មថោនទទួលការព្រមាន ៦ចំណុចពីក្រសួងវប្បធម៌ក្រោយចេញបទ «ជីវិតអ្នកប្រដាល់»

ភ្នំពេញ៖ បទចម្រៀងដែលមានចំណងជើងថា «ជីវិតអ្នកប្រដាល់» ដែលច្រៀងដោយលោក … អានបន្ត