រកឃើញក្រុមដែលឡើងទៅវគ្គផ្ដាច់ព្រ័ត្រពានរង្វាន់ Soccer League 2015 ហើយ

គឹមហុក December 23, 2015


ឆ្លងកាត់ការប្រកួតតាំងពីដើមខែវិច្ឆិកាកន្លងមក ពានរង្វាន់ Soccer League 2015 បានរកឃើញក្រុមពីរដែលឡើងទៅវគ្គផ្ដាច់ព្រ័ត្រហើយ គឺក្រុមអាណាចក្របៃតង និងក្រុមវ៉ិចតូរីអែហ្វស៊ី។ មុននឹងឡើងដល់វគ្គផ្ដាច់ព្រ័ត្រនេះ ក្រុមវ៉ិចតូរីអែហ្វស៊ី បានយកឈ្នះក្រុមយុវជន ក-១២ ដោយលទ្ធផល ២ ទល់នឹង ០ កាលពីល្ងាចថ្ងៃទី២១ ខែធ្នូ ឆ្នាំ២០១៥។ រីឯក្រុមអាណាចក្របៃតង បានយកឈ្នះក្រុមសម្ព័ន្ធ គ.ស.ន.ប.ក ក្នុងលទ្ធផល ៩ ទល់នឹង ៨ កាលពីល្ងាចម្សិលមិញ ថ្ងៃទី២២ ខែធ្នូ ឆ្នាំ២០១៥។ ហើយការប្រកួតផ្ដាច់ព្រ័ត្រ​នឹងធ្វើឡើងនៅថ្ងៃទី២៦ ខែធ្នូ ឆ្នាំ២០១៥ នាពហុកីឡដ្ឋានជាតិ វេលាម៉ោង ៥:៣០ នាទីល្ងាច ដែលក្រុមអាណាចក្របៃតង និងក្រុមវ៉ិចតូរីអែហ្វស៊ីនឹងត្រូវជួបគ្នា។ សម្រាប់ការប្រកួតដណ្ដើមចំណាត់ថ្នាក់លេខ៣ នឹងធ្វើឡើងនៅថ្ងៃទី ២៤ ខែធ្នូ ឆ្នាំ២០១៥ ស្អែកនេះ រវាងក្រុមសម្ព័ន្ធ គ.ស.ន.ប.ក និងក្រុមយុវជន ក-១២ នាពហុកីឡដ្ឋានជាតិ។
Soccer League 2015 Semi-final 1

Soccer League 2015 Semi-final

គួរបញ្ជាក់ផងដែរថាពានរង្វាន់ Soccer League 2015 នេះ ជាពានរង្វាន់មួយ រៀបចំឡើងដោយសហភាពសហព័ន្ធយុវជនកម្ពុជា (ស.ស.យ.ក) សហការជាមួយសហព័ន្ធកីឡាបាល់ទាត់ជាតិកម្ពុជា (FFC) ដែលជាពានរង្វាន់មហាជន មិនមានការជ្រើសរើសយកកីឡាករអាជីពមកចូលរួមទេ ហើយពានរង្វាន់នេះ បានចាប់ផ្ដើមប្រកួតតាំងពីដើមខែវិច្ឆិកាមក និងមានក្រុមជាច្រើនតាមបណ្ដាខេត្ត អង្គការ និងស្ថាប័ននានាបានចូលរួម។

អត្ថបទ៖ គឹមហុក
រូបភាព៖ UYFC Soccer League

មតិយោបល់

ការប្រកួតកីឡាបាល់ទះ Leo Cup National Volleyball 2015 ផ្តើមរដូវកាលថ្មីជាមួយនឹងការគាំទ្រទ្វេដង!

ពីមួយឆ្នាំទៅមួយឆ្នាំវិស័យកីឡា បានទទួលបានការគាំទ្រពីសំណាក់ប្រិយមិត្ត នៅទូទាំងព្រះរាជាណាចក្រកម្ពុជាគួរឱ្យកត់សម្គាល់ ជាមួយគ្នានេះដែរ … អានបន្ត

ផលិតកម្មថោនទទួលការព្រមាន ៦ចំណុចពីក្រសួងវប្បធម៌ក្រោយចេញបទ «ជីវិតអ្នកប្រដាល់»

ភ្នំពេញ៖ បទចម្រៀងដែលមានចំណងជើងថា «ជីវិតអ្នកប្រដាល់» ដែលច្រៀងដោយលោក … អានបន្ត