Hat-Trick របស់កីឡាករ ចាន់ វឌ្ឍនាកា ជួយឲ្យក្លឹបបឹងកេតអង្គរឡើងទៅវគ្គផ្តាច់ព្រ័ត្រ Toyota Mekong Club Championship 2015

លី រិទ្ធី December 7, 2015


ក្លឹបបឹងកេតអង្គរ របស់ប្រទេសកម្ពុជាបានយកឈ្នះក្លឹបជើងឯកលីកវៀតណាម Becamex Binh Duong FC ក្នុងលទ្ធផល ៣-២ ក្នុងការប្រកួតវគ្គពាក់កណ្ដាល​ផ្ដាច់ព្រ័ត្រ​ក្នុង​ពានរង្វាន់​បាល់ទាត់​ប្រចាំ​តំបន់ Toyota Mekong Club Championship 2015 កាលពីយប់មិញនេះនៅកីឡដ្ឋាន Hang Day Stadium ក្នុង​ទីក្រុង​ហាណូយ។

ការធ្វើបាន Hat-Trick យ៉ាងល្អរបស់កីឡាករ ចាន់ វឌ្ឍនាកា បានធ្វើឲ្យអតីតក្លឹបជើងឯក Toyota Mekong Club Championship 2014 Becamex Binh Duong FC បានត្រឹមលេខ ៣ តែប៉ុណ្ណោះក្នុងឆ្នាំនេះ។

ក្នុង​តង់​ទី១ ការប្រកួត​បាន ១៣ នាទី កីឡាករ NSI AMOUGOU របស់ Becamex Binh Duong FC បាន​រក​គ្រាប់​បាល់​នាំ​មុខដោយការទែតបញ្ជូលទី។ តែចុងតង់ទី ១ កីឡាករ ចាន់ វឌ្ឍនាកា របស់​បឹងកេតអង្គរ បាន​រក​គ្រាប់​បាល់​តាម​ស្មើ​វិញ ដោយ​ការស៊ុតបាល់​ពិន័យ​១១ ម៉ែត្រ។ ចូល​ដល់​តង់​ទី២ ក្លឹបBecamex Binh Duong FC ធ្វើការសម្រុកយ៉ាងខ្លាំងដោយបានបង្កើតឱកាសជាច្រើនតែអ្នកចាំទី ស៊ូយ៉ាទី ជួយសង្រ្គោះបាល់យ៉ាងល្អឥតខ្ចោះ។ ស្របពេលដែលក្លឹប Becamex Binh Duong FC​ វាយសម្រុក ក្លឹបបឹងកេតបានប្រើប្រាស់ឱកាសវាតបកហើយ កីឡាករ វឌ្ឍនាកា ដដែល​បាន​រក​គ្រាប់​បាល់​ទី២ នៅ​នាទី​ ៥៤ និង​គ្រាប់​ទី៣ នៅ​នាទី ៨០ ខណៈ​ក្រុម Becamex Binh Duong FC រក​បាន​ដោយ​កីឡាករ Nguyen Anh Doc នៅ​នាទី ៨៩ ដោយបាល់ពិន័យ ១១ ម៉ែត្រ។ ចប់​ការ​ប្រកួត​បឹងកេតអង្គរ ឈ្នះ ម្ចាស់​ផ្ទះ Becamex Binh Duong FC ដែល​ជា​ជើង​ឯក​លីក​វៀតណាម ៣ ទល់ ២។
ក្លឹបបឹងកេតអង្គរ នឹងទៅប្រកួត​​វគ្គ​ផ្ដាច់ព្រ័ត្រ​ជាមួយ​ក្លឹប​ Buriram United របស់​ថៃ នៅ​ទីក្រុង​បាងកក នា​ថ្ងៃ​ទី ២០ ខែ ធ្នូ ឆ្នាំ ២០១៥ខាងមុខ។

TMCC Binh Doung FC vs BoeungKet Angkor 1

TMCC Binh Doung FC vs BoeungKet Angkor 2

TMCC Binh Doung FC vs BoeungKet Angkor 3

TMCC Binh Doung FC vs BoeungKet Angkor 4

TMCC Binh Doung FC vs BoeungKet Angkor 5

TMCC Binh Doung FC vs BoeungKet Angkor 6

TMCC Binh Doung FC vs BoeungKet Angkor 7

TMCC Binh Doung FC vs BoeungKet Angkor 8

TMCC Binh Doung FC vs BoeungKet Angkor 11

TMCC Binh Doung FC vs BoeungKet Angkor 9

TMCC Binh Doung FC vs BoeungKet Angkor 10

TMCC Binh Doung FC vs BoeungKet Angkor 12

 

អត្ថបទ៖ រិទ្ធី

រូបភាព៖ Toyota Mekong Club Championship

មតិយោបល់

ការប្រកួតកីឡាបាល់ទះ Leo Cup National Volleyball 2015 ផ្តើមរដូវកាលថ្មីជាមួយនឹងការគាំទ្រទ្វេដង!

ពីមួយឆ្នាំទៅមួយឆ្នាំវិស័យកីឡា បានទទួលបានការគាំទ្រពីសំណាក់ប្រិយមិត្ត នៅទូទាំងព្រះរាជាណាចក្រកម្ពុជាគួរឱ្យកត់សម្គាល់ ជាមួយគ្នានេះដែរ … អានបន្ត

ផលិតកម្មថោនទទួលការព្រមាន ៦ចំណុចពីក្រសួងវប្បធម៌ក្រោយចេញបទ «ជីវិតអ្នកប្រដាល់»

ភ្នំពេញ៖ បទចម្រៀងដែលមានចំណងជើងថា «ជីវិតអ្នកប្រដាល់» ដែលច្រៀងដោយលោក … អានបន្ត