លីគកំពូលកម្ពុជា៖ គួរឲ្យស្ដាយ! ភ្នំពេញក្រោន ចាញ់ទ័ព ១-០ ទាំងប្រផិតប្រផើយ

នូ មករា October 21, 2017


ភ្នំពេញ៖ ក្រុមម្ចាស់ផ្ទះភ្នំពេញក្រោន មិនអាចសងសឹកក្រុមក្រសួងការពារជាតិ(ទ័ព) បានឡើយ ក្រោយចាញ់ក្នុងលទ្ធផល ១-០ ទាំងប្រផិតប្រផើយបំផុត នៅក្នុងជំនួបជើងទី២ នៃលីគកំពូលកម្ពុជា ដែលទើបបញ្ចប់មុននេះបន្ដិច នៅកីឡដ្ឋាន RSN ។ ការប្រកួតនេះ ក្រុមភ្ញៀវ ក្រសួងការពារជាតិ ជាអ្នកបំបែកពងមាន់បានមុន ដោយកីឡាករ Kim Kyong Hun នៅនាទីទី២០ បន្ទាប់មកក្រុមភ្នំពេញក្រោន បានព្យាយាមវាយសម្រុកជាមួយនឹងឱកាសទាត់បញ្ចូលទីជាច្រើនលើកតែមិនបានសម្រេច ធ្វើឲ្យចប់ការប្រកួតពេញម៉ោងក្រសួងការពារជាតិយកឈ្នះ ១-០ ដើម្បីបន្ដកំណត់ត្រាឈ្នះជាលើកទី២ គ្រាដែលកាលពីជើងទី១ ការពារជាតិឈ្នះក្នុងដី ៣-២ ។ ជាមួយនឹងការបរាជ័យនេះដែរ បានធ្វើឲ្យអតីតក្រុមជើងឯក ៦សម័យកាលភ្នំពេញក្រោន បាត់បង់កៅអី Top-4 ហើយធ្លាក់មកឈរលេខ៥ ដោយរក្សា ៣២ពិន្ទុ ខណៈក្រសួងការពារជាតិ ឡើងទៅឈរលេខរៀងទី៤ ជាថ្មី ដោយមាន ៣ពិន្ទុ តាមពីក្រោយក្រុមកំពូលតារាង ព្រះខ័នរាជស្វាយរៀងមាន ៣៧ពិន្ទុ រួមទាំងក្រុមបឹងកេត និងក្រុមណាហ្គាវើល ដែលមាន ៣៦ពិន្ទុស្មើគ្នា ៕
អត្ថបទ៖ បុត្រា

 

មតិយោបល់