Singapore Cup៖ ណាហ្គាវើល ប៉ះម្ចាស់ទឹកដី Hougang United ល្ងាចនេះ

នូ មករា August 11, 2017


ភ្នំពេញ៖ ក្រោយធ្វើដំណើរទៅដល់ទឹកដីប្រទេសសិង្ហបុរី និងបានហ្វឹកហាត់កម្ដៅសាច់ដុំ ២ថ្ងៃរួចមក ក្រុមបាល់ទាត់ណាហ្គាវើល នឹងត្រូវធ្វើការប្រកួតជើងទី១ នៃពានរង្វាន់ RHB Singapore Cup 2017 ជាមួយក្រុម Hougang United នាវេលាម៉ោង ៦៖៣០នាទីល្ងាចថ្ងៃទី១១ ខែសីហា ឆ្នាំ២០១៧នេះ នៅលើទឹកដីសមាជិកក្រុមលំដាប់លីគកំពូលសិង្ហបុរីផ្ទាល់តែម្ដង ។
សូមរំឮកថា មុនឈានដល់វគ្គ ៨ក្រុមចុងក្រោយដោយត្រូវជួបក្រុម Hougang United ល្ងាចនេះ ក្រុមណាហ្គាវើល បានទម្លាក់ក្រុមម្ចាស់ទឹកដីសិង្ហបុរី Balestier Khalsa រួចមកហើយ ដោយយកឈ្នះក្នុងលទ្ធផល ៤-៣ ។ ប៉ុន្ដែលោក មាស ចាន់ណា គ្រូបង្វឹកណាហ្គាវើល ហាក់មិនសូវសប្បាយចិត្ត ចំពោះជ័យជម្នះនាពេលនោះឡើយ ដោយសារការសហការគ្នាមិនសូវបានល្អលើទីលាន ។ តែយ៉ាងណាលោកមានជំនឿថា សម្រាប់ការជួប Hougang United ថ្ងៃនេះ កូនក្រុមរបស់ខ្លួននឹងបង្ហាញទម្រង់លេងបានល្អ ដូចការប្រកួតក្របខណ្ឌលីគកំពូលកម្ពុជាប៉ុន្មានប្រកួតចុងក្រោយរបស់ខ្លួន ដែលណាហ្គាវើលធ្វើបានល្អ ស្របពេលកីឡាករមានឱកាសប្រមូលផ្ដុំហ្វឹកហាត់ និងស្ដារកម្លាំងបានគ្រប់គ្រាន់ អំឡុងពេលលីគកំពូលកម្ពុជា ត្រូវបានសម្រាកការប្រកួតបណ្ដោះអាសន្ននោះ ។
ចំពោះក្រុម Houngang United មុនឡើងប៉ះណាហ្គាវើល ក្រុមម្ចាស់ផ្ទះសិង្ហបុរីនេះ ធ្លាប់បានទម្លាក់ក្រុមជើងខ្លាំងហ្វីលីពីន Ceres Negros ដោយលទ្ធផល ១-០ កាលពីវគ្គជម្រុះបឋម ។ ដូច្នេះចាំមើលតើណាហ្គាវើល ឬ Hougang United នឹងទទួលបានជ័យជម្នះ សម្រាប់ជំនួបជើងទី១ នៃពានរង្វាន់ RHB Singapore Cup 2017 នាល្ងាចនេះ? ៕
អត្ថបទ៖ បុត្រា

 

មតិយោបល់

ការប្រកួតកីឡាបាល់ទះ Leo Cup National Volleyball 2015 ផ្តើមរដូវកាលថ្មីជាមួយនឹងការគាំទ្រទ្វេដង!

ពីមួយឆ្នាំទៅមួយឆ្នាំវិស័យកីឡា បានទទួលបានការគាំទ្រពីសំណាក់ប្រិយមិត្ត នៅទូទាំងព្រះរាជាណាចក្រកម្ពុជាគួរឱ្យកត់សម្គាល់ ជាមួយគ្នានេះដែរ … អានបន្ត

ផលិតកម្មថោនទទួលការព្រមាន ៦ចំណុចពីក្រសួងវប្បធម៌ក្រោយចេញបទ «ជីវិតអ្នកប្រដាល់»

ភ្នំពេញ៖ បទចម្រៀងដែលមានចំណងជើងថា «ជីវិតអ្នកប្រដាល់» ដែលច្រៀងដោយលោក … អានបន្ត