Singapore Cup៖ បឹងកេត បន្ដចាញ់ Global ខណៈណាហ្គាចាកចេញពីកម្ពុជាល្ងាចនេះ

នូ មករា August 9, 2017


ភ្នំពេញ៖ ក្រុមបាល់ទាត់បឹងកេត មិនអាចសងសឹកក្រុម Global FC បាននោះទេ ក្រោយបន្ដបរាជ័យដោយលទ្ធផល ៣-១ នៅក្នុងជំនួបដណ្ដើមកៅអីវគ្គ ៤ក្រុមចុងក្រោយ នៃពានរង្វាន់ RHB Singapore Cup 2017 ជើងទី១ កាលពីយប់មិញ នៅកីឡដ្ឋាន Jalan Besar ប្រទេសសិង្ហបុរី ។
នេះជាការបរាជ័យលើកទី៣ ដែលក្រុមបឹងកេត ចាញ់ក្រុម Global បន្ទាប់ពីចាញ់ក្នុងវគ្គជម្រុះពានរង្វាន់ AFC Cup 2017 ទាំង ២ជើងកាលពីពេលថ្មីៗកន្លងទៅ ។ តាមរយៈលទ្ធផលនេះ សរបញ្ជាក់ឲ្យឃើញថា ក្រុមបឹងកេត នៅមានសង្ឃឹមតិចបំផុត ក្នុងប្រជែងកៅអីវគ្គ ៤ក្រុមចុងក្រោយពានរង្វាន់ RHB Singapore Cup 2017 ជាមួយក្រុម Global FC បើទោះបីនៅសល់ការប្រកួតជើងទី២ នាថ្ងៃទី១១ ខែសីហាខាងមុខក្ដី ។
ដោយឡែកក្រុមណាហ្គាវើលវិញ ក៏ត្រូវចាកចេញពីកម្ពុជានាវេលាម៉ោង ៥ល្ងាចនេះ ដើម្បីចូលរួមប្រកួតជម្រុះវគ្គ ១/៤ផ្ដាច់ព្រ័ត្រខាងលើផងដែរ ដោយក្រុមកំពុងឈរលេខរៀងទី៤ នៃលីគកំពូលកម្ពុជានេះ ត្រូវជួបប្រកួតជើងទី១ ជាមួយក្រុមម្ចាស់ទឹកដីសិង្ហបុរី Hougang United នៅថ្ងៃទី១១ ខែសីហាខាងមុខដូចគ្នា ៕
អត្ថបទ៖ បុត្រា

មតិយោបល់

ការប្រកួតកីឡាបាល់ទះ Leo Cup National Volleyball 2015 ផ្តើមរដូវកាលថ្មីជាមួយនឹងការគាំទ្រទ្វេដង!

ពីមួយឆ្នាំទៅមួយឆ្នាំវិស័យកីឡា បានទទួលបានការគាំទ្រពីសំណាក់ប្រិយមិត្ត នៅទូទាំងព្រះរាជាណាចក្រកម្ពុជាគួរឱ្យកត់សម្គាល់ ជាមួយគ្នានេះដែរ … អានបន្ត

ផលិតកម្មថោនទទួលការព្រមាន ៦ចំណុចពីក្រសួងវប្បធម៌ក្រោយចេញបទ «ជីវិតអ្នកប្រដាល់»

ភ្នំពេញ៖ បទចម្រៀងដែលមានចំណងជើងថា «ជីវិតអ្នកប្រដាល់» ដែលច្រៀងដោយលោក … អានបន្ត