លោក Leonardo Luis នឹងបង្ហាញបញ្ជីឈ្មោះក្រុមជម្រើសជាតិស្អែកនេះ

នូ មករា March 9, 2017


ភ្នំពេញ៖ លោក Leonardo Luis គ្រូបង្វឹកថ្មីរបស់ក្រុមជម្រើសជាតិកម្ពុជា នឹងធ្វើសន្និសីទសារព័ត៌មាន ដើម្បីបង្ហាញបញ្ជីឈ្មោះកីឡាករក្រុមជម្រើសជាតិជាផ្លូវការ នាព្រឹកថ្ងៃទី១០ ខែមិនា ឆ្នាំ២០១៧នេះ បន្ទាប់ពីគ្រូបង្វឹកសញ្ជាតិប្រេស៊ីលរូបនេះ ចូលកាន់តំណែងជាគ្រូបង្វឹកជំនួសលោក Lee Tae Hoon ហើយធ្វើការតាមដានការហ្វឹកហាត់ និងប្រកួតរបស់កីឡាករតាមបណ្ដាលក្លឹបនៃលីគកំពូលកម្ពុជាអស់រយៈពេលជាង ១សប្ដាហ៍កន្លងទៅ ។

ថ្នាក់ដឹកនាំរបស់ក្រុមជម្រើសជាតិកម្ពុជាម្នាក់ បានឲ្យដឹងថា សន្និសីទសារព័ត៌មានបង្ហាញបញ្ជីឈ្មោះក្រុមជម្រើសជាតិខាងលើ នឹងធ្វើឡើងនៅម៉ោង ១១ព្រឹក ប៉ុន្ដែចំពោះវត្តមានកីឡាករប៉ុន្មាននាក់ ត្រូវបានគ្រូបង្វឹកសញ្ជាតិប្រេស៊ីលលោក Leonardo Luis បានកំណត់នោះ មិនត្រូវបានបង្ហើបឲ្យដឹងនោះទេ គ្រាន់តែបញ្ជាក់ថា អតីតគ្រូបង្វឹកក្រុម Lanexang United របស់ឡាវ នឹងចម្រាញ់ទុកត្រឹម ២៣នាក់ប៉ុណ្ណោះ សម្រាប់ត្រៀមការប្រកួតផ្សេងៗ ។

គួរបញ្ជាក់ថា លោក Leonardo Luis ត្រូវបានសហព័ន្ធកីឡាបាល់ទាត់កម្ពុជា តែងតាំងជាគ្រូបង្វឹកក្រុមជម្រើសជាតិកម្ពុជាក្នុងកិច្ចសន្យារយៈពេល ១ឆ្នាំ ហើយបន្ទាប់ពីបង្ហាញបញ្ជីឈ្មោះកីឡាករក្រុមជម្រើសជាតិហើយនោះ លោកនឹងមានបេសកកម្មលើកដំបូង ដោយដឹកនាំក្រុមរហស្សនាមគោព្រៃកម្ពុជានេះ ទទួលក្រុមភ្ញៀវជម្រើសជាតិឥណ្ឌា នៅថ្ងៃទី២២ ខែមិនា ឆ្នាំ២០១៧ខាងមុខ ៕

អត្ថបទ៖ បុត្រា

មតិយោបល់

ការប្រកួតកីឡាបាល់ទះ Leo Cup National Volleyball 2015 ផ្តើមរដូវកាលថ្មីជាមួយនឹងការគាំទ្រទ្វេដង!

ពីមួយឆ្នាំទៅមួយឆ្នាំវិស័យកីឡា បានទទួលបានការគាំទ្រពីសំណាក់ប្រិយមិត្ត នៅទូទាំងព្រះរាជាណាចក្រកម្ពុជាគួរឱ្យកត់សម្គាល់ ជាមួយគ្នានេះដែរ … អានបន្ត

ផលិតកម្មថោនទទួលការព្រមាន ៦ចំណុចពីក្រសួងវប្បធម៌ក្រោយចេញបទ «ជីវិតអ្នកប្រដាល់»

ភ្នំពេញ៖ បទចម្រៀងដែលមានចំណងជើងថា «ជីវិតអ្នកប្រដាល់» ដែលច្រៀងដោយលោក … អានបន្ត