CV11 អាចនឹងខកខានក្នុងការប្រកួតវគ្គពាក់កណ្តាលផ្តាច់ព្រ័ត្រពាន Toyota Mekong Club Championship 2016

នូ មករា December 8, 2016


អវត្តមានពី ៣ ទៅ ៦ សប្តាហ៍បន្ទាប់ពីរងរបួសលើទឹកដីវៀតណាមម្សិលមិញ

វៀតណាម៖ ខ្សែប្រយុទ្ធចាន់ វឌ្ឍនាកា របស់ក្លឹបបឹងកេតអង្គរបានសរសេរនៅលើបណ្តាញសង្គមហ្វេសប៊ុកផ្ទាល់ខ្លួនថា រូបគេអាចនឹងអវត្តមានពីលើទីលានក្នុងអំឡុងពេលពី ៣ ទៅ ៦សប្តាហ៍បន្ទាប់ពីបានរងរបួសឆ្អឹងជំនីខាងស្តាំនៅក្នុងការប្រកួតចុងក្រោយដើម្បីបិទពូល A នៃព្រឹត្តិការណ៍ BTV Cup នៅលើទឹកដីវៀតណាមកាលពីថ្ងៃទី៧ ខែធ្នូម្សិលមិញរួចមក ។

ការញាុំញីដោយរបួសដែលតម្រូវឱ្យសម្រាកជាច្រើនសប្តាហ៍នេះអាចនាំឱ្យរូបគេនឹងត្រូវអវត្តមានពីការប្រកួតពាក់កណ្តាលផ្តាច់ព្រ័ត្រពាន Toyota Mekong Club Championship 2016 ដែលគ្រោងនឹងធ្វើឡើងនៅថ្ងៃទី៣១ ខែធ្នូ ខាងមុខនេះ ។ យ៉ាងណាក៏ដោយ ក្រុមអ្នកគាំទ្ររំពឹងថាស្ថានភាពរបួសរបស់កីឡាកររូបនេះនឹងឆាប់បានសះស្បើយក្នុងរយៈដ៏ខ្លីដើម្បីផ្តល់ឱកាសឱ្យខ្សែប្រយុទ្ធឆ្នើមចាន់ វឌ្ឍនាកា បានបង្ហាញខ្លួនសាជាថ្មីក្នុងការប្រកួតដ៏សំខាន់នេះ ខណៈដែលក្លឹបបឹងកេតអង្គរបានឈ្នះតំណែងជើងឯករងកាលពីរដូវកាលមុុន ។

មួយវិញបើយោងតាមស្ថានភាពរបួស កីឡាករចាន់ វឌ្ឍនាកា នឹងមិនអាចចូលរួមជួយក្រុមបឹងកេតអង្គរនៅក្នុងការប្រកួតវគ្គពាក់កណ្តាលផ្តាច់ព្រ័ត្រ BTV Cup ដែលកំពុងតែប្រព្រឹត្តតៅនៅក្នុងប្រទេសវៀតណាមនោះឡើយ ៕

អត្ថបទ៖

 

មតិយោបល់

ការប្រកួតកីឡាបាល់ទះ Leo Cup National Volleyball 2015 ផ្តើមរដូវកាលថ្មីជាមួយនឹងការគាំទ្រទ្វេដង!

ពីមួយឆ្នាំទៅមួយឆ្នាំវិស័យកីឡា បានទទួលបានការគាំទ្រពីសំណាក់ប្រិយមិត្ត នៅទូទាំងព្រះរាជាណាចក្រកម្ពុជាគួរឱ្យកត់សម្គាល់ ជាមួយគ្នានេះដែរ … អានបន្ត

ផលិតកម្មថោនទទួលការព្រមាន ៦ចំណុចពីក្រសួងវប្បធម៌ក្រោយចេញបទ «ជីវិតអ្នកប្រដាល់»

ភ្នំពេញ៖ បទចម្រៀងដែលមានចំណងជើងថា «ជីវិតអ្នកប្រដាល់» ដែលច្រៀងដោយលោក … អានបន្ត