បឹងកេតអង្គរ ចាញ់ក្រុមយុវជនឈុតធំភ្នំពេញក្រោន ៣-២

បារាំង July 23, 2015


ការប្រកួតជាលក្ខណៈមិត្តភាពរវាងក្រុមយុវជនឈុតធំភ្នំពេញក្រោន នឹងបឹងកេតអង្គរ បានបញ្ចប់ហើយនាព្រឹមមិញនេះ នៅទីលានហ្វឹកហាត់របស់ក្លឹបភ្នំពេញក្រោន ដោយលទ្ធផលក្រុមយុវជនឈុតធំភ្នំពេញក្រោន បានយកឈ្នះបឹងកេតអង្គរ ៣-២។ ការប្រកួតមានឱកាសរកគ្រាប់បាល់បានទៅវិញទៅមក រហូតដល់ជិតចប់តង់ទី១ទៅហើយ បឹងកេតអង្គររកបាន១គ្រាប់ ចូលដល់តង់ទី២ ក្រុមយុវជនឈុតធំភ្នំពេញក្រោន បើកការវាយសម្រុកយ៉ាងខ្លាំង រហូតបាន១គ្រាប់ តាមស្មើ មិនអស់ចិត្តដោយបំណងរកគ្រាប់បាល់នាំមុខ តែភ្លេចខ្លួនបឹងកេតអាចរកបាន ១គ្រាប់បន្ថែមទៀតនៅតង់ទី២ ធ្វើឱ្យបឹងកេតអង្គរ នាំមុខជាបណ្តោះអាសន្ន២-១។ ជិតចប់តង់ទៅហើយ កីឡាករដ៏មុតស្រួច Umaru របស់ភ្នំពេញក្រោន រកបានពីរគ្រាប់បន្ថែមទៀតបញ្ចប់ការប្រកួតបឹងកេតអង្គរ ចាញ់ក្រុមយុវជនឈុតធំភ្នំពេញក្រោន ៣-២។ គូរបញ្ជាក់ផងដែរថា​ ចំពោះកីឡាកររបស់បឹងកេតអង្គរ ដែលលេងថ្ងៃនេះជាកីឡាករ ដែលមិនបានលេងក្នុងការប្រកួតជាមួយណាហ្គាវើល ម្សិលមិញ។ ការទទួលបានជ័យជម្នះ ក៏ដើម្បីត្រៀមខ្លួនសម្រាប់ការប្រកួត Asian Champions Trophy នាដើមខែសីហានេះដែរ សម្រាប់ក្រុមយុវជនឈុតធំភ្នំពេញក្រោន៕

1

2

3

អត្ថបទ៖ បារាំង

រូបភាព៖ មករា

មតិយោបល់

ការប្រកួតកីឡាបាល់ទះ Leo Cup National Volleyball 2015 ផ្តើមរដូវកាលថ្មីជាមួយនឹងការគាំទ្រទ្វេដង!

ពីមួយឆ្នាំទៅមួយឆ្នាំវិស័យកីឡា បានទទួលបានការគាំទ្រពីសំណាក់ប្រិយមិត្ត នៅទូទាំងព្រះរាជាណាចក្រកម្ពុជាគួរឱ្យកត់សម្គាល់ ជាមួយគ្នានេះដែរ … អានបន្ត

ផលិតកម្មថោនទទួលការព្រមាន ៦ចំណុចពីក្រសួងវប្បធម៌ក្រោយចេញបទ «ជីវិតអ្នកប្រដាល់»

ភ្នំពេញ៖ បទចម្រៀងដែលមានចំណងជើងថា «ជីវិតអ្នកប្រដាល់» ដែលច្រៀងដោយលោក … អានបន្ត