ដឹងអត់! ចាន់ វឌ្ឍនាកា ធ្វើបាន Hat-Trick ប៉ុន្មានដងបើគិតត្រឹមសប្ដាហ៍ទី១៣?

នូ មករា July 19, 2016


ភ្នំពេញ៖ ថ្វីត្បិតកាលពីជំនួបក្នុងសប្ដាហ៍ទី១៣ នៃលីគកំពូលកម្ពុជា រវាងក្រុមបឹងកេតអង្គរ និងក្រសួងការពារជាតិ កាលពីថ្ងៃសៅរ៍កន្លងទៅ កីឡាករឆ្នើម ចាន់ វឌ្ឍនាកា មិនអាចរកគ្រាប់បាល់បន្ថែមក៏ពិតមែន ប៉ុន្ដែខ្សែប្រយុទ្ធក្រុមបឹងកេតរូបនេះនៅតែបន្ដឈរកំពូលតារាងអ្នកស៊ុតបញ្ចូលទីបានច្រើនជាងគេ (Top Scorers)ដដែល ដោយរកបាន ១៨គ្រាប់តែម្នាក់ឯង។

13715973_1766129473624553_2431427604283288614_n

ដូច្នេះតើលោកអ្នកបានជ្រាបទេថា តើអតីតម្ចាស់ស្បែកជើងមាស ចាន់ វឌ្ឍនាកា ធ្លាប់ធ្វើបាន Hat-Trick ឬស៊ុតចូលទីក្នុងមួយប្រកួត ៣គ្រាប់ម្នាក់ឯងបានប៉ុន្មានដងហើយនៅក្នុងរដូវកាលនេះ?

គួរំលឹកថា សម្រាប់ការបង្ហាញវត្តមានលើទីលាន ដើម្បីជួយក្រុមបឹងកេតអង្គរស្វែងរកជ័យជម្នះរយៈពេល ១៣សប្ដាហ៍កន្លងទៅ គឺមាន ៩ប្រកួតដែល ចាន់ វឌ្ឍនាកា បានទាត់បាល់បំប៉ោងសំណាញ់ទីគូប្រកួត ហើយក្នុងចំណោម ៩ប្រកួតនេះទៀតសោតមាន ៣លើកដែលខ្សែប្រយុទ្ធមានស្រុកកំណើតនៅខេត្តកំពតរូបនេះ ធ្វើបាន Hat-Trick ពោលគឺពេលបឹងកេតអង្គរ យកឈ្នះព្រះខ័នរាជស្វាយរៀង ៣-១ ជើងទី១ និងយកឈ្នះក្រុមស៊ីម៉ាក់ ៧-០ កាលពីជើងទី១ និងបន្ដឈ្នះ ៤-០ នៅជើងទី២ ទៀត។

12565379_1667234460220023_2591031867941912092_n

សរុបមកជើងទី១ ចាន់ វឌ្ឍនាកា បានទាត់បាល់ចូលទីគូប្រកួត ១៣គ្រាប់ ហើយចំណែក ៥គ្រាប់ទៀត រកបានពីការប្រកួតក្នុងជើងទី២ នេះ។

13707715_1766129390291228_5751187504091925261_n

ជាមួយគ្នានេះខ្សែប្រយុទ្ធជនជាតិកូរ៉េខាងជើងគឺកីឡាករ Choe Myong Ho ក៏កំពុងតែប្រដេញតាមពីក្រោយកីឡាករក្នុងស្រុកនេះដែរបន្ទាប់ពីរកបាន ១៥គ្រាប់កាលពីថ្ងៃសៅរ៍នោះ។ ក្រៅពីកីឡាករឆ្នើមទាំងពីរ គេសង្កេតឃើញកីឡាករមួយចំនួន ក៏តាមពីក្រោយដែរ ដូចជាកីឡាករ Tomoki Muramatsu របស់ខេមបូឌានថាយហ្គឺរ រកបាន ១៣គ្រាប់ ខណៈកីឡាករ Kipson របស់ព្រះខ័នរាជស្វាយរៀង និងកីឡាករ ឃួន ឡាបូរ៉ាវី របស់បឹងកេតអង្គរ រកបាន ៩គ្រាប់ស្មើគ្នា៕

អត្ថបទ៖ បុត្រា

មតិយោបល់

ការប្រកួតកីឡាបាល់ទះ Leo Cup National Volleyball 2015 ផ្តើមរដូវកាលថ្មីជាមួយនឹងការគាំទ្រទ្វេដង!

ពីមួយឆ្នាំទៅមួយឆ្នាំវិស័យកីឡា បានទទួលបានការគាំទ្រពីសំណាក់ប្រិយមិត្ត នៅទូទាំងព្រះរាជាណាចក្រកម្ពុជាគួរឱ្យកត់សម្គាល់ ជាមួយគ្នានេះដែរ … អានបន្ត

ផលិតកម្មថោនទទួលការព្រមាន ៦ចំណុចពីក្រសួងវប្បធម៌ក្រោយចេញបទ «ជីវិតអ្នកប្រដាល់»

ភ្នំពេញ៖ បទចម្រៀងដែលមានចំណងជើងថា «ជីវិតអ្នកប្រដាល់» ដែលច្រៀងដោយលោក … អានបន្ត