ម៉ន វីរៈ និង សូត្រ ប៊ុនធី អាចជួបសំណាងល្អឬអាក្រក់ក្នុងជំនួបជាមួយថៃ?

នូ មករា June 23, 2016


ភ្នំពេញ៖ ម៉ន វីរៈ អ្នកប្រដាល់មកពីក្លឹបការិយាល័យទី ៥កងទ័ពជើងគោកនឹងត្រូវប្រកួតជាមួយអ្នកប្រដាល់ថៃ Yorth Phit Ek លើសង្វៀនSEA TV នៅព្រឹកថ្ងៃទី២៦ ខែមិថុនាខាងមុខនេះ។ កីឡាករ វីរៈ ដែលមានចរឹកឆេវឆាវបន្តិចមានប្រវត្តិប្រកួតចំនួន១៤០ដង ឈ្នះ១២៥ដង ចាញ់១១ ដង និង ស្មើពិន្ទុ ២ដង។

ក្នុងការប្រកួតនេះប្រសិនបើរូបគេជួបបរាជ័យនោះឱកាសសម្រាប់ប្រកួតជាមួយអ្នកប្រដាល់បរទេសរបស់គេសម្រាប់លើកក្រោយអាចនឹងកាន់តែលំបាក។ តាមពិតទៅ គេធ្លាប់ជាជើងខ្លាំងមួយរូបតែមកដល់ពេលនេះគេហាក់ដូចជាឆាប់ធ្លាក់កម្លាំងណាស់។ នេះជាការប្រកួតមួយដែល វីរៈ ត្រូវការឈ្នះជាចាំបាច់ព្រោះមួយរយៈនេះគេហាក់ដូចជាមិនសូវមានសំណាងល្អនៅក្នុងការប្រកួតសោះ បើទោះបីជាគេជាអ្នកប្រដាល់មួយរូបដែលមានកលល្បិចល្អ និងវាយចេញរហ័សតែគេចូលចិត្តវាយបន្ថែមលើគូប្រកួតបន្ទាប់ពីអាជ្ញាកណ្ដាលឃាត់ និងនៅពេលគូប្រកួតដួល។ ចំពោះអ្នកប្រដាល់ថៃ Yorth Phit Ek វិញទោះបីស្ថិតិប្រកួតរបស់គេតិចជាងវីរៈក៏ពិតមែនតែមិនទាន់ប្រាកដគេខ្សោយនោះឡើយ ។ អ្នកប្រដាល់រូបនេះមានប្រវត្តិប្រកួតត្រឹមតែ៧៤ ដង ឈ្នះ៥៩ ដង ចាញ់១៣ ដង និង ស្មើពិន្ទុ២ ដង។

Moan-Vureak-Yorth-Phit-Ek [800x600]

នៅក្នុងថ្ងៃនោះដែរ អ្នកប្រដាល់ សូត្រ ប៊ុនធី មកពីក្លឹបបក្សីស្លាបដែកត្រូវបានផ្គូរផ្គងឲ្យប្រកួតជាមួយអ្នកប្រដាល់ថៃឈ្មោះ Rak Non Lek ។ អ្នកប្រដាល់ថៃរូបនេះពុំធ្លាប់មានប្រវត្តិមកប្រកួតនៅស្រុកខ្មែរឡើយ ដូច្នរបៀបវ៉ៃរបស់គេយ៉ាងណាៗក៏មិនមាននរណាដឹងដែរតែគេមិនមែនជាអ្នកប្រដាល់ខ្សោយនោះទេ ។ អ្នកប្រដាល់ថៃរូបនេះមានប្រវត្តិប្រកួតចំនួន៦១ ដង ឈ្នះ៥២ ដង ចាញ់៩ ដង ។ ចំពោះសូត្រ ប៊ុនធីវិញគេបានក្លាយជាអ្នកប្រដាល់ដែលលំបាកបង្ក្រាប ហើយជាមួយនឹងកំពស់របស់គេល្អនោះកែង និងជង្គង់របស់គេតែងតែធ្វើឲ្យគូប្រកួតសន្លប់មុនទឹកទី ៥ ។ ប៊ុនធីមានប្រវត្តិប្រកួតចំនួន៧៤ ដង ឈ្នះ៦៤ ដងចាញ់ ៩ដង និង ស្មើពិន្ទុ១ ដង ដូច្នេះតើ ប៊ុនធី អាចបន្ថែមស្ថិតិឈ្នះ ឬ ក៏បន្ថែមស្ថិតិចាញ់?

Soth-Bunthy-Rak-Non-Lak [800x600]

អត្ថបទ៖ វ៉ាន្នី

មតិយោបល់

ការប្រកួតកីឡាបាល់ទះ Leo Cup National Volleyball 2015 ផ្តើមរដូវកាលថ្មីជាមួយនឹងការគាំទ្រទ្វេដង!

ពីមួយឆ្នាំទៅមួយឆ្នាំវិស័យកីឡា បានទទួលបានការគាំទ្រពីសំណាក់ប្រិយមិត្ត នៅទូទាំងព្រះរាជាណាចក្រកម្ពុជាគួរឱ្យកត់សម្គាល់ ជាមួយគ្នានេះដែរ … អានបន្ត

ផលិតកម្មថោនទទួលការព្រមាន ៦ចំណុចពីក្រសួងវប្បធម៌ក្រោយចេញបទ «ជីវិតអ្នកប្រដាល់»

ភ្នំពេញ៖ បទចម្រៀងដែលមានចំណងជើងថា «ជីវិតអ្នកប្រដាល់» ដែលច្រៀងដោយលោក … អានបន្ត