នៅ​ ស្រីពៅ ប៉ះ​នារី​លេខ​​១​ របស់ឥណ្ឌា​ Ritu Phogat នៅសង្វៀន ONE

មាស សុផាណារ៉ុង October 13, 2020


 

សិង្ហបុរី៖ ស្ថាប័ន​ ONE Championship បាន​ប្រកាស​ជា​​ផ្លូវ​ការ​នូវ​សមាសភាព​គូ​ប្រកួត​ក្នុង​ព្រឹត្តិការណ៍​ ONE: INSIDE THE MATRIX ក្នុង​នោះ​​នារី​ជើង​ខ្លាំង​គុន​ចម្រុះ​លេខ​១ របស់​កម្ពុជា​​​ នៅ ស្រីពៅ​ ត្រូវ​ប៉ះ​នារី​ជើង​ខ្លាំង​គុន​ចម្រុះ​លេខ​១ ​ឥណ្ឌា​​ Ritu Phogat។ នេះបើយោងតាមការចេញផ្សាយនៅលលវេបសារផ្លូវការរបស់សង្វៀន One (onefc.com)។

​កីឡា​ការិនី​គុន​ចម្រុះ​លេខ​១​ របស់ឥណ្ឌា​ Ritu “The Indian Tigress” Phogat ដែល​មាន​ជំនាញ​ចំបាប់​បាន​​វិល​ត្រឡប់​មក​កាន់​សង្វៀន​វិញ​​ដោយ​ត្រូវ​ជួប​ជើង​ឯក​គុន​ខ្មែរ​អន្តរជាតិ​ និង​អ្នក​លេង​គុន​ចម្រុះ​លេខ​១ ​កម្ពុជា​ នៅ ស្រីពៅ ដែល​នឹង​ធ្វើឡើងនា​កីឡដ្ឋាន​ Singapore Indoor Stadium នៅ​ថ្ងៃ​ទី​៣០ ខែ​តុលា​ ខាង​មុខ​ ពី​ប្រទេស​សិង្ហបុរី។

ដំណឹង​នេះ​បាន​កើត​មាន​ឡើង​ បន្ទាប់​ពី​ព្រឹត្តិការណ៍​ប្រកួត ONE: REIGN OF DYNASTIES កាល​ពី​ថ្ងៃ​ទី០​៩ ខែ​តុលា ​កន្លង​ទៅ​ថ្មី​ៗ​នេះ​ទទួល​បាន​ជោគជ័យ។ ព្រឹត្តិការណ៍​ប្រកួត​ផ្សាយ​ផ្ទាល់​នោះ​បាន​ក្លាយ​ជា​ព្រឹត្តិការណ៍​កីឡា​អន្តរជាតិ​លើក​ទី​១ ​នៅ​ប្រទេស​សិង្ហបុរី ​​ចាប់​តាំង​ពី​ជំងឺ​កូវីដ-១៩ បាន​ផ្ទុះ​ឡើង​កាល​ពី​ដើម​ឆ្នាំ។

សូមបញ្ជាក់ថា នៅ ស្រីពៅ​ ធ្លាប់​ឡើង​សង្វៀន​ ONE​ បាន​ ២លើករួចមកហើយ​ ពោលគឺ​លើក​ទី១​ ឈ្នះ​កីឡា​ការិនី​ថៃ​ Rika Ishige​ និង​លើក​ទី២​ ចាញ់​ពិន្ទុ​កីឡា​ការិនី​ឥណ្ឌូណេស៊ី​ Priscilla Hertati Lumban៕

 

ប្រភព៖ onefc.com

មតិយោបល់