រឿង សោភ័ណ្ឌ បង្ហាញការមិនសុខចិត្តបន្ទាប់ពីបរាជ័យ!

នូ មករា December 19, 2016


ភ្នំពេញ៖ អ្នកប្រដាល់រឿង សោភ័ណ្ឌ បានបង្ហាញនូវភាពក្រអឺតក្រទមដោយពុំព្រមចុះពីសង្វៀនប្រកួតឡើយបន្ទាប់ពីរូបគេទទួលបរាជ័យក្នុងការប្រកួតជាមួយអ្នកប្រដាល់ថៃ Keng Kat ក្នុងព្រឹត្តិការណ៍ខ្សែក្រវាត់ខារ៉ាបាវលើសង្វៀនអាស៊ីអាគ្នេយ៍កាលពីល្ងាចថ្ងៃទី១៧ ខែធ្នូនោះ ។

ជាទូទៅការប្រកួតនេះគេសង្កេតឃើញថា សោភ័ណ្ឌ ពិតជាចាញ់មែន ដោយស្ថានភាពនៃការប្រកួតគឺ សោភ័ណ្ឌ សម្រុកចូលរហូតតែចូលទៅដើម្បីទទួលជង្គង់របស់គូប្រកួតតែប៉ុណ្ណោះ ។ ពេលខ្លះ រូបគេវាយបានមួយដៃហើយជួនកាលវ៉ៃខុសផងនោះ ប៉ុន្តែត្រូវកីឡាករថៃសងមកវិញ ២-៣ជង្គង់ឯណោះ ។ បន្ទាប់ពីលទ្ធផលប្រកាសឲ្យចាញ់រួចមក សោភ័ណ្ឌ នៅឡាំប៉ាមិនទទួលស្គាល់ការពិតឡើយ ជាមួយគ្នានេះគេមិនព្រមចុះពីសង្វៀនប្រដាល់ទៀតផង ទោះបីលោកអាជ្ញាកណ្ដាលយឹម សុខុម ប្រាប់ឲ្យចុះពីសង្វៀនក៏ដោយក៏គេនៅតែដើរលើកដៃដើរលើសង្វៀនធ្វើមើលតែការប្រកួតនេះគ្មានចៅក្រមជាអ្នកផ្ដល់ពិន្ទុឲ្យយ៉ាងដូច្នោះដែរ ។

បន្ទាប់មកគេក៏សុខចិត្តចុះពីសង្វៀនប្រដាល់ក្រោយពីទទួលការស្ដីបន្ទោសពីលោករាជ សុផែន ដែលជាប្រធានគណៈវិនិច្ឆ័យឲ្យហ៊ានទទួលការពិតពីការបរាជ័យរបស់ខ្លួន ។ លោកសុផែនបន្ទោសថាបែបនេះមិនមែនជាចរិតកីឡាករទេព្រោះទាល់តែគេឈ្នះទើបល្អ ឯពេលចាញ់សុទ្ធតែមិនយុត្តិធម៌ ៕

អត្ថបទ៖ វ៉ាន្នី

មតិយោបល់

ការប្រកួតកីឡាបាល់ទះ Leo Cup National Volleyball 2015 ផ្តើមរដូវកាលថ្មីជាមួយនឹងការគាំទ្រទ្វេដង!

ពីមួយឆ្នាំទៅមួយឆ្នាំវិស័យកីឡា បានទទួលបានការគាំទ្រពីសំណាក់ប្រិយមិត្ត នៅទូទាំងព្រះរាជាណាចក្រកម្ពុជាគួរឱ្យកត់សម្គាល់ ជាមួយគ្នានេះដែរ … អានបន្ត

ផលិតកម្មថោនទទួលការព្រមាន ៦ចំណុចពីក្រសួងវប្បធម៌ក្រោយចេញបទ «ជីវិតអ្នកប្រដាល់»

ភ្នំពេញ៖ បទចម្រៀងដែលមានចំណងជើងថា «ជីវិតអ្នកប្រដាល់» ដែលច្រៀងដោយលោក … អានបន្ត